Peng Long Atip Ke-3

Video Preview Peng Long Atip Ke-3

Peng Long Atip 2010

Peng Kapung Long Atip

Jah iha' uh confirmed nah anan jaka' peng Lg. Atip nan. Meng nah kuwa’-kuwa la’an te’ jaka’ na tih. Miah maget melu kaseh tua henoh sedia seng tei tipa.

Date : 12th June 2010
Dau : Nem (6)
Pukun : 08:00 pagi – ateng levi.
Ngavan : Taman Selera Tajong Lobang Miri.

Sedia’ lim nah uvung-uvung tih ja meng nah itam leve', akei itam tei nyepagen ngioh jaka' aleng uh en bara ja si itam salet pejoh acara tam aleng uh en dalo komiti petmei men itam. Akei nyadui peji mutat dengah anih te' hang tam lim ngeluwa' melaui daho', sms, telephone & etc.

Aleng hituk kui anih nah ketelo (3) hangun na' itam uh matoh peng tam Lg. Atip Ngeluwa'. Aleng una' loh te’ ujung duman 29/11/2009 areh dih ha' Gejera peng kayan Pujut 3, jadi paun duman 2010 anih nah aleng kedua - ha' tana gavan harin tam Philip Ngo Hillstone Garden@Kairos Place Miri & aleng ketelo' anih iha' nah ha' Taman Selera Tanjong Lobang Miri. Harap itam lim paen mauk penu sokongan te tuk awi nunih ja te' jaka' aleng la'an pah lahuh itam deng na peng aleng awi nunih ngeluwa'. Nusi pah ha' Miri tua, nunan pah ha' uma aru tam hudik tih lahuh.

Meng hadau pakai safety helmet bahi bua nyoh mahing & da'an na legak avin atek seng na lan anih na'a kurik. Sek tua nah bareng ja si uhat kelekeng anih pejoh sayu na'a ngujork te’ dahun agan tawek dalo’ lake aleng kelalau lale’ tuge’ pagan men Lg. Atip anih.

Pesuk lim jaka' anan na'a, maju Lg. Atip!!!!!!

Keluan Kampong Long Atip

On Thu, May 6, 2010 at 3:38 PM, Kawas, Gary wrote:
Pelalau kui mejoh dengah aleng nei men harin tam Petrus,

Bara sayu lan kenep men harin tam Petrus & dalo’ lim komiti aleng terlibat petmei keluan aleng seng en tam na anih. Akui pelalau mutat daho’ anih te’ hang tam lim lahuh avin ngahum loh kah daha’ aleng em te alem loop kui nih, akei kelo nabah daha’ harin tam laan aleng kitan kelo’ ja si itam piah-piah jam nun activities aleng seng en Kpg. Tam Lg. Atip na te’ jaka’ aleng seng laan areh ha’ Miri. En kira nah 1 bulan tuwa laan seng ateng jaka’ na’ awi ngioh aleng kurin dalo’ aleng uh petmei tuk anih te hang tam keseluruhan warga besar Lg. Atip.
Ngioh atur cara aleng uh en dalo’ petmei atek lengkap lan. Akei itam piah-piah kaseh nyadui peji te alem lim tuk hadui keluan tam, avin mijat itam deng seng nei peji lim. Men kelo’ aleng gem hadui tih harap kelo’ jam sedia uvung & tuk-tuk temei tegu jaka’ atih na’a ja meng nah seng leve’ tuwa kahava’ avin itam ngioh masa.
Harap tuk anih berjaya en tam na, anih nah tada’ na’ itam panak paharin men Lg, Atip paen peji kenep & kaseh nei pepeng nusi kira peng nun pah iha’ adang itam hipun kenep aleng nyian, lesah walau pun alem em havah.
“MENG NAH TE’ ALENG MEN HANG TAM KUMA NUSI KUI JAM. BI ALEM UH JAM”. Bi awi em jam lan dengah adang akei asi tuwa kah, harap aleng laan hituk bara men iha.

Ngenep keliah,pejamat & pekiso’ paen,

Gary Kawas @ Taman Tijan Kim.

Potbless Long Atip 2010

MAJU LONG ATIP

POTBLESS

AKTIVITI JAKA' POTBLESS:

The Kairos Place, Philip's Garden,

Jln. Hillstone 2, Miri

Main tawak......
Show skill ngivan.....tusah uk
mahing nah......

Tua Kampung Maring

Previu komiti maring kapung long atip 2010 (Sub-Committee)

Ngivan....Sang Kayau

Latest Photos of Long Atip

For people of Long Atip who has left our Kampong for years, here are few pictures taken December, 2009. Kalau rindu melihat gambar-gambar ini baliklah semasa Krismas tahun ini 2010. Jangan lama sangat meninggalkan Kampong, orang kat sana merindui kita semua. Kalau dapat balikalah sekali-sekala ke kampong.

Posted by: Mr.Galang Lawan (Tmn.Valerie)